On Islamic Way

நமது சமூகத்தையோ, அரசியல் வாதிகளையோ யாரையும் நம்பிப் பயனில்லை எனும் நிலையில் தமது உரிமைகளுக்காகத் தாம் மாத்திரமே போராட வேண்டிய சூழ்நிலை உணரப்பட்டு தம்புள்ள பள்ளிவாசல் மற்றும் உடமைகளை பாதுகாக்க கடந்த பத்து தினங்களாக தம்புள்ள கண்­ட­லம சந்­தியில் மேற்­கொள்­ளப்­பட்ட சத்­தி­யாக்­கி­ரக போராட்டம் நாமல் ராஜ­பக் ஷ எம். பி. யின் தலை­யீட்­டினை அடுத்து முடிவுக்கு வந்­துள்­ளது.

தேவை­யான ஆவ­ணங்­க­ளுடன் தன்னைச் சந்­திக்­கு­மாறு நாமல் ராஜபக்ச அறிவுறுத்தியதாகவும் அடுத்­த­வாரம் நாமல் ராஜ­ப­க்ஷவைச் சந்­திக்­க­வுள்­ள­தாக போராட்ட ஏற்­பாட்­டா­ளரும் தம்­புள்ளை ஹைரியா பள்­ளி­வாசல் நிர்­வாக சபை உறுப்­பி­ன­ரு­மான எஸ். வை. எம். சலீம்தீன் தெரி­வித்ததாக விடிவெள்ளி செய்தித் தளம் வெளியிட்டிருந்தது.

நாமல் ராஜ­பக்ஷ ஊடாக ஜனா­தி­ப­தியைச் சந்­தித்து வீட்­டு­ரி­மை­யா­ளர்­களின் பிரச்­சி­னைக்கும் பள்­ளி­வாயல் விவ­கா­ரத்­துக்கும் விரைவில் தீர்வு பெற்றுக் கொள்­ள­வுள்ளோம் என ஏற்பாட்டாளர்கள் சார்பில் தெரிவிக்கப்பட்டுள்ளது.

தம்­புள்­ளையில் அகற்­றப்­ப­ட­வுள்ள இந்து கோயி­லுக்குப் பதி­லாக புதிய கோயி­லொன்று நிர்­மா­ணித்துக் கொடுக்­கப்­படும் என நாமல் ராஜ­பக்ஷ தெரி­வித்தார். எனவே தம்­புள்ளை பள்­ளி­வா­ச­லுக்கும் நிரந்­தர தீர்­வொன்­றினைப் பெற்றுக் கொள்­ளலாம் என்ற நம்­பிக்­கை­யோடு மக்கள் இருப்பதாகவும் தெரிவிக்கப்பட்டுள்ளது.

தற்சமயம் பள்ளிவாசலில் சமய கடமைகள் எதுவித தடைகளுமின்றி நடைபெற்று வருகின்றன. 24 மணிநேரமும் பள்ளிவாசலுக்கு பொலிஸ் பாதுகாப்பு வழங்கப்பட்டுள்ளது.

பள்ளிவாசல்கள் எங்காவது தாக்கப்பட்டால் அல்லது அகற்ற முயற்சி செய்யப்பட்டாலும் வாய் மூடி இருக்கும் மெளனிகளாகவும் பின்னர் கொள்கைப் பிரிவினைகளால் பிளவுண்டு கிடக்கும் சமூகமாகவுமே நம் சமூகம் இருக்கும் நிலையில் இதுவரை சுமார் 24 பள்ளிவாசல்கள் இனவாத அச்சுறுத்தலுக்குள்ளாகியிருக்கின்றமை குறிப்பிடத்தக்கது.

சம்பவம் இடம்பெற்று ஒரு வருடமான போது கடந்த ஏப்ரல் மாதம் நாம் நேரடியாகச் சென்று நிலைமைகளை ஆராய்ந்தபோது எம்மோடு உரையாடிய பள்ளி நிர்வாகம் :

நன்றிகள் விடிவெள்ளி