இவர்களில் ஒருவன் சிறையிலேயே தற்கொலை செய்து கொண்டான். எஞ்சிய 5 பேரில் ஒருவன் சிறுவன் என்பதால் அது தொடர்பான விசாரணை சிறார் நீதிமன்றத்தில் நடைபெற்று வந்தது. இந்த வழக்கில் தீர்ப்பு அளிப்பதை ஒத்திவைக்க உச்சநீதிமன்றம் உத்தரவிட்டிருந்தது. இந்த உத்தரவு அண்மையில் விலக்கிக் கொள்ளப்பட்டது.
இதைத் தொடர்ந்து நேற்று சிறார் குற்றவாளிக்கான தண்டனை என்ன என்ற தீர்ப்பு வழங்கப்படும் என்று அறிவிக்கப்பட்டிருந்தது. நேற்று பிற்பகல் நடைபெற்ற விசாரணையின் போது பலாத்கார வழக்கில் சிறுவன் குற்றவாளி என்றும் அவனுக்கு 3 ஆண்டு சிறைத் தண்டனை விதிக்கப்படுவதாகவும் சிறார் நீதிமன்றம் தீர்ப்பளித்தது.
மேல்முறையீடு செய்ய முடிவு!
ஆனால் இந்த தீர்ப்பு தங்களுக்கு ஏமாற்றம் அளிக்கிறது என்று மருத்துவ மாணவியின் குடும்பத்தினர் தெரிவித்துள்ளனர். இந்த தீர்ப்பை எதிர்த்து மேல்முறையீடு செய்யப் போவதாகவும் அவர்கள் தெரிவித்துள்ளனர்.
2 கருத்துகள்:
என்னே ஒரு தீர்ப்பு! இப்படி குப்பை தீர்ப்பு வழங்கவா இவர்கள் நீதித்துறையில் பட்டம் வாங்கினார்கள்? ஒரு பெண்ணை கதறக்கதற கற்பழித்தானாம் ஒருவன். அவன்
சிறுவன்(?) என்பதால் குறைந்த தண்டனை வழங்கியதாம் நீதிமன்றம். இப்படிப்பட்ட முட்டாள்கள் இருக்கும் வரை உலகம் உருப்படாது.
மனிதன் வகுக்கும் சட்டங்களில் இப்படியான குறைகள் நிறையவே உண்டு. இறவனின் சட்டங்கள் மட்டுமே சமூகத்தை திருத்தி அமைக்கும். !